اسلام آباد: قومی اسمبلی میں قائدِ حزبِ اختلاف خورشید شاہ نے نوازشریف کو مستعفی ہوکر مڈٹرم الیکشن کرانے کا مشورہ دے دیا ہے۔
قومی اسمبلی میں قائدِ حزب اختلاف خورشید شاہ نے موجودہ سیاسی صورتحال پر وزیرِاعظم نوازشریف اورحکومت مخالف اتحاد کو مشورے دے ڈالے۔ خورشید شاہ نے کہا کہ نظام کیلئے بہتر ہوگا کہ نوازشریف خود مستعفی ہوکر مڈٹرم الیکشن کا اعلان کردیں۔
قائدِ حزبِ اختلاف خورشید شاہ نے تحریکِ انصاف کے چیئرمین عمران خان اورعوامی تحریک کے سربراہ طاہرالقادری سے کہا کہ دونوں قائدین ایسے حالات پیدا کریں کہ نوازشریف مڈٹرم کی طرف جائیں۔
انھوں نے کہا کہ ڈنڈے سے نہ کوئی بات منوائی جاسکتی ہے نہ کوئی جاسکتا ہے، اپوزیشن لیڈرکا کہناتھا کہ ڈنڈے کے زور پر استعفیٰ لینے سے نوازشریف مظلوم بن جائیں گے۔
Comments
- Advertisement -
