خیبرپختونخوا اسمبلی میں چوہدری نثار کو دورہ پشاور کی دعوت کی قرداد متفقہ طور پر منظور کرلی گئی ۔اسمبلی میں ایک ترمیمی بل کی بھی منظوری دی گئی ہے جس کے تحت صوبائی وزرا کو ملنے والا ہاؤس رینٹ الاؤنس چالیس ہزار روپے ماہوار سے بڑھا کر پچپن ہزار روپے کردیا گیا ہے۔
کے پی کے اسمبلی کےاجلاس میں وزیر داخلہ چودہدری نثار کو دورہ پشاور کی دعوت کی قرداد متفقہ طور پر منظور کرلی گئی ۔ قرارداد کے متن میں کہا گیا ہےچودہدری نثار پشاور آکر اسمبلی کو ان کیمرہ بریفنگ دیں۔ اجلاس میں وزیر اعلی کے پی کے پرویز خٹک کا کہنا تھا وزیراعظم چار مہینے سے ملاقات کے لیے وقت نہیں دے رہے ۔
ان کا کہنا تھا وزیرداخلہ پشاور آکرہمیں بریفنگ دیں کہ مذاکرات کا عمل کہاں تک پہنچا۔ اسمبلی میں امیر مقام پر ہونے والے حملے، شہدا اور عوامی نیشنل پارٹی کے شہید رہنما کے لیے فاتحہ خوانی کی گئی، اس حوالے سے پرویز خٹک کا کہنا تھا دہشتگردی کیخلاف اسمبلی میں پیش ہونے والی مذمتی قرار داد کی حمایت کرینگے، کے پی کے اسمبلی اجلاس میں وفاقی وزیرعابد شیرعلی پر تنقید کا سلسلہ بھی جاری رہا۔
