پشاور: خیبر پختونخوا میں بلدیاتی انتخابات کی تیاریاں عروج پر پہنچ گئیں، صوبے بھر میں سیکیورٹی ہائی الرٹ کردی گئی،ایک لاکھ دس ہزار سیکیورٹی اہلکار تعینات ہونگے۔
خیبر پختونخوا میں بلدیاتی انتخابات کی سیاسی سرگرمیاں عروج پر بھی پہنچ گئیں، صوبے میں سیکیورٹی ہائی الرٹ کردی گئی،صوبے میں سیکیورٹی کے لئے ایک لاکھ دس ہزار اہلکار تعینات ہونگے۔
پشاور میں ستر ہزار اہلکار سیکیورٹی کے فرائض انجام دیں گے، صوبے بھر میں دس ہزار آٹھ سو پچپن پولنگ اسٹیشنز قائم کئے جائیں گے۔
صوبے بھر میں دوہزار آٹھ سو سیتیس پولنگ اسٹیشنز کو حساس ترین جبکہ تین ہزار نوچالیس پولنگ اسٹیشنز کو حساس اور چار ہزار اٹھہتر پولنگ اسٹیشنز کو نارمل قرار دیا گیا ہے۔
بنوں میں تین ہزار چار سو چوہتر پولیس اہلکار تعینات کئے جائیں گے ، موبائل فون پولنگ اسٹیشن میں لے جانے پر دفعہ ایک چوالیس لگائی گئی ہے۔
