خیر پور: انسداد دہشتگردی عدالت نے میر شکیل الرحمٰن کی گرفتاری میں ناکامی پر پولیس افسران کے خلاف کارروائی کا حکم دےدیا۔
خیر پور کی انسداد دہشتگردی کی عدالت نے جیو نیوز کے مالک میر شکیل الرحمان کو گرفتار نہ کرنے پر پولیس کے خلاف بھی کاروائی کے احکامات جاری کر دیئے۔
عدالت نے ملزمان کو ملک میں مجود ہونے کے باوجود گرفتار نہ کرنے پر کارروائی کا حکم دیا۔
عدالت نے آئی جی سندھ کو حکم جاری کرتے ہوئے کہا ہے کہ میرشکیل الرحمان،شائستہ لودھی،ڈاکٹر عامر لیاقت،و ینا ملک اور اسد خٹک ملک میں موجو دہیں لیکن پولیس انہیں گرفتار نہیں کر سکی ۔
ملزمان ٹی وی چینلز پر اپنے اپنے پروگرام کررہے ہیں اور پولیس کے لئے وہ ملک سے باہر ہیں۔
جج کوثر علی بخاری نے کہا کہ اگر آئی جی سندھ نے بھی ملزمان کو گرفتار نہ کیا تو اگلی مرتبہ ہوم سیکریٹری سے پوچھا جائے گا۔
Comments
- Advertisement -
