قاہرہ: داعش نے لیبیا سے مصر کے اکیس شہریوں کواغوا کرنے کے بعد قتل کردیا ۔جوابی کارروائی میں مصر نے دولت اسلامیہ کے ٹھکانوں پر بمباری کردی۔
دولت اسلامیہ نےمصرکےاکیس قبطیوں کےسرقلم کرنےکی ویڈیو جاری کردی۔ ویڈیو میں ایک گروپ کو نارنجی لباس میں زمین پر گھٹنے ٹیکے دکھایا گیا۔جس کے بعد ان کے سر قلم کردئیے گئے۔
اغوا کیے جانے والے قبطیوں کو لیبیا کے مشرقی ساحلی شہر سرت سے اغوا کیا گیا تھا جو دولتِ اسلامیہ کے قبضے میں ہے، مصر میں قبطی نے اکیس افراد کی ہلاکت کی تصدیق کردی ہے، جس پر مصر میں شہریوں کے قتل پر سات روزہ قومی سوگ کا اعلان کیا گیا۔
ویڈیو کے منظر عام پر آنے کے بعد مصر نے لیبیا میں شدت پسند تنظیم کے ٹھکانوں پر بمباری کردی، پیر کی صبح کی جانے والی کارروائی میں تنظیم کے کیمپس، تربیتی مراکز اور گولہ بارود اور ہتھیاروں کے ذخیروں کو نشانہ بنایا گیا ہے۔
