کراچی( ویب ڈیسک) – مسلمانوں کیلئے تو داڑھی بہت اہمیت رکھتی ہے مگر اب مغربی ممالک میں بھی اس کی پسندیدگی میں تیزی سے اضافہ ہو رہا ہے اور یہاں تک کہ ایک خصوصی ویب سائٹ قائم کر دی گئی ہیں جس میں داڑھی رکھنے والے اور داڑھی سے محبت کرنے والے ایک دوسرے سے رابطہ کر سکتے ہیں۔
اس ویب سائیٹ کا نام ’بریسٹلر‘ہے اور اسے بنانے والے باریش سافٹ وئیر انجینئر جان کرشا کا کہنا ہے کہ اسے بالکل اندازہ نہیں تھا کہ یہ اتنی مقبول ہوگی۔
جان نے ابتدائی طورپر محض دل لگی کیلئے ایک ایسی ویب سائیٹ بنائی جہاں داڑھی والے مرداپنا پروفائل بنائیں گے یا وہ اسے جوائن کریں گے جو داڑھی سے محبت کرتے ہیں۔
ویب سائٹ کے قیام کے ساتھ ہی لوگوں میں اس کے لئے بے پناہ پسندیدگی دیکھنے میں آئی اور محض ایک ماہ میں لاکھوں لوگ اس کے رکن بن گئے جبکہ اس کا پھیلاﺅنہایت تیزی سے جاری ہے۔
جان کا کہنا ہے کہ کوئی بھی داڑھی والے صاحب ہوں، انہیں اس کا ضرور رکن بننا چاہیے کیونکہ یہاں اُنہیں بے شمار پر ستار ملیں گے۔
