ذوالفقار مرزا کی پارٹی سے لڑائی پرانی ہے، یوسف رضا گیلانی

کراچی: سابق وزیر اعظم سید یوسف رضا گیلانی کا کہنا ہے کہ نلتر حادثہ پر انتہائی دکھ اور افسوس ہے حادثہ کو غلط رنگ نہ دیا جائے۔

 ائیرپورٹ پر میڈیا سے بات کرتے ہوئے یوسف رضا گیلانی کا کہنا تھا کہ زوالفقار مرزا کی پارٹی سے پرانی رنجش ہے معاملہ عدالت میں ہے اور فہمیدہ مرزا کی سکیورٹی یقینی بنانے پرسپیک ایاز صادق سے بات ہوئی ہے۔

انہوں نے کہا کہ میرے اور سلمان تاثیر کے بیٹے کے حوالے سے افغان حکومت سے بات ہوئی ہے، انہوں نے یقین دلایا ہے اور انٹیلیجنس شئیرنگ بھی چل رہی ہے۔

ایک سوال کے جواب میں انہوں نے کہا پیپلز پارٹی نے پہلے ہی کہا تھا کہ یہ آر اوز کا الیکشن ہے جوڈیشنل کمیشن کے فیصلہ کو مانیں گے۔

     سابق وزیر اعظم کا کہنا ہے کہ دھاندلی کے باوجودانتخابی نتائج تسلیم کئےتھے، دھاندلی ہوئی یانہیں یہ فیصلہ جوڈیشل کمیشن نےکرنا ہے۔

Comments