اسلام آباد : وزیر داخلہ رانا ثنا کا کہنا ہے کہ عمران خان کے پاس ممکنہ خطرے پر ٹھوس ثبوت ہیں تو شیئرکردیں، حکومت معاملے کی مکمل تحقیقات کرانے کیلئے تیار ہے۔
تفصیلات کے مطابق وزیر داخلہ راناثنااللہ نے اپنے بیان میں کہا ہے کہ عمران خان امریکی سازش کی طرح اپنی جان کوخطرے کا بیانیہ بنارہےہیں۔
عمران خان کے پاس ممکنہ خطرے پر ٹھوس ثبوت ہیں تو شیئرکردیں، حکومت معاملے کی مکمل تحقیقات کرانے کیلئے تیار ہے، عمران خان چاہیں تواس معاملے پر جوڈیشل کمیشن بھی قائم کرسکتے ہیں۔
جوڈیشل کمیشن شواہد ،معلومات کولیکرآزادانہ فیصلہ دے سکتا ہے ، معلومات نہیں دیتے تو امریکی سازش کی طرح یہ بھی پولیٹیکل اسٹنٹ تصور ہوگا۔
سابق وزیراعظم کا جان کے خطرے کو پولیٹیکل اسٹنٹ بنانا افسوسناک اور خطرےکاباعث ہوسکتاہے ، میرا مشورہ ہے عمران نیازی سکیورٹی کو سیاسی پروپیگنڈے کے طور پر پیش نہ کریں۔
