ہولوکاسٹ پر لکھی گئی جرمن ڈکٹیٹر ایڈولف ہٹلر کے معاون روزن برگ کی ڈائری یوایس ہولوکاسٹ میوزیم کے ہاتھ لگ گئی۔
ستر سال کی تلاش کے بعد بالاخر امریکی امیگریشن اور کسٹم ان فورس منٹ ایجنٹس نے انیس سو چھیالیس کے بعد گم ہو نے والی الفریڈ روزن برگ کی چار سو صفحات پر مشتمل ڈائری رواں سال ڈھونڈ نکالی، میوزیم میں رکھی گئی اس ڈائری کے صفحات اپنی عمر کے ساتھ ساتھ پیلے پڑگئے ہیں۔
روزن برگ نے نازی اسٹیٹ کی تعمیر اور منصوبہ بندی کے ساتھ ساتھ جنگ عظیم دوئم میں بھی اہم کردار ادا کیا تھا، روزن برگ ہولوکاسٹ کے اس علاقے کا انچارج تھا جس میں عورتوں اور بچوں کو بھی نشانہ بنایا گیا۔
روزن برگ نے انیس سو پینتالیس، چھیالیس میں نیرم برگ جرمنی میں اپنے خلاف قائم مقدمےکے دفاع کے دوران اپنی غلطیوں کا اعتراف بھی کیا، جس پر انہیں جنگی جرائم کے مقدمے میں سولہ اکتوبر انیس سو چھیالیس میں پھانسی دے دی گئی تھی۔
