کراچی: شہرمیں رینجرزآپریشن کے دوران دل کا دورہ پڑنے سے ایک شخص جاں بحق ہوگیا ، چھاپے میں رینجرز نے کل 12 افراد کو حراست میں لے لیا۔
تفصیلات کے مطباق ہفتے کی شب نارتھ ناظم آباد بلاک جی میں رینجرزکی جانب سے ٹارگٹڈ کارروائی کی جس کے دوران زیرِ حراست افراد میں سے ایک شخص کی حالت غیرہوگئی۔
مذکورہ شخص کو رینجرزاہلکاروں کے ہمراہ موجود ڈاکٹرنے ابتدائی معائنہ کے بعد اسپتال منتقل کیا تاہم وہ جانبر نہ ہوسکا۔
جاں بحق شخص کی شناخت عدنان صدیقی کے نام سے کی گئی ہے، مقتول کی میت کو قانونی کارروائی کے بعد ایدھی سرد خانے منتقل کیا گیا۔
رینجرز نے ٹارگٹڈ کارروائی کے دوران بارہ افراد کو حراست میں بھی لیا ہے جنہیں تفتیش کے لئے نامعلوم مقام پر منتقل کیا گیاہے۔
Comments
- Advertisement -
