اسلام آباد: ریڈزون میں ہنگامہ آرائی کے باعث طاہرالقادری، عمران خان سمیت دیگر رہنماوں پر انسداد دہشت گردی ایکٹ کے تحت مقدمہ درج کرلیا گیا ہے، ایف آئی آر انسداد دہشت گردی ایکٹ کے تحت کاٹی گئی ۔
جس کی پیشگی کاپی عمران خان کو دی گئی، سانحہ ماڈل ٹاؤن کی ایف آئی آر میں تو انسداددہشتگردی کی دفعہ شامل نہیں کی گئی لیکن علامہ طاہرالقادری اورعمران خان کیخلاف اسی دفعہ کے تحت مقدمہ درج کیا گیا۔
ایف آئی آر کیلئے تیار درخواست میں کہا گیا کہ عمران خان، علامہ طاہرالقادری، چوہدری شجاعت حسین، وزیراعلیٰ خیبرپختونخوا، شاہ محمودقریشی، جہانگیرترین، شفقت محمود، شیخ رشید، رحیق عباسی، خرم نوازگنڈا پور رہنما سنی اتحاد کونسل صاحبزادہ حامدرضا اور دیگر نے حکومت کےخلاف شرانگیز تقاریر کیں اور کارکنوں کو حکومت کے خلاف اکسایا، متن کے مطابق مقررین مطالبات نہ ماننے پر دھمکیاں بھی دیتے رہے۔
دوسری جانب پی اے ٹی اور پی ٹی آئی نے بھی وزیر اعظم اور چوہدری نثار پر پرچہ کرانے کی تیاری کرلی ہے۔