کھٹمنڈو: نیپال میں ہونے والی اٹھارویں سارک سربراہی کانفرنس کے اختتامی اجلاس میں وزیراعظم نواز شریف نے پاکستان کی نمائندگی کی۔
سارک سربراہان کی کانفرنس کے اختتامی سیشن میں شرکت کے لئے کانفرنس ہال پہنچنے پرنیپال کے وزیراعظم سوشیل کوئرالہ نے وزیراعظم کا پرتپاک استقبال کیا۔
دوروزہ کانفرنس سارک کانفرنس میں رکن ممالک کے درمیان باہمی رابطوں کوفروغ اورمعاشی رابطوں کو بہتربنانے پربات کی گئی۔ اجلاس میں سارک ممالک کے وزرائے خارجہ نے توانائی کے شعبے میں تعاون کے فریم ورک پردستخط کئے۔ پاکستان کی جانب سے سرتاج عزیز نے معاہدے پردستخط کئے۔
نیپال کے وزیرِاعظم سوشیل کوئرالہ کا کہنا تھا کہ سارک ایجنڈے کے فروغ میں بھرپور کردار ادا کریں گے ، انہوں نے مزید کہا کہ مواصلات کے بہترذرائع ترقی میں کلیدی کردار ادا کرتے ہیں۔۔
Comments
- Advertisement -
