تازہ ترین

سانحہ سی ویو: ڈوبنے والوں کی تلاش کا کام ختم

کراچی : انتظامیہ کی درخواست پر پاک بحریہ نے ڈوبنے والوں کی تلاش کے لیےشروع کیا گیا آپریشن ختم کردیا۔ آپریشن کے دوران اکتالیس لاشیں سمندر سے نکال کر ورثاء کے حوالے کردی گئیں۔ سانحہ سی ویو نے کئی گھروں کے چراغ گل کر دیا. گھروالوں سے دور پانی کی آغوش میں ایسے گئے ، جہاں سے واپسی اب ممکن نہیں۔

قیمتی جانوں کے ضیاع پر پوری قوم افسردہ ہے۔پاک بحریہ کی جانب سے سمندر میں ڈوبے افراد کی تلاش کے لیے ریسکیو آپریشن کیا گیا۔ سمندر کی بے رحم موجوں سے لڑ کر پاک بحریہ کے جوانوں نے اکتالیس لاشوں کو پانی سے ڈھونڈ نکالا۔ جنہیں ورثا کے حوالے کر دیا گیا۔ضلعی انتظامیہ کی درخواست پرپاک بحریہ نے ریسکیو آپریشن ختم کردیا تاہم سی ویو سمیت تمام ساحلی مقامات شہریوں کیلئے بند ہیں،

سی ویو پر صرف اور صرف ریسکیو کی ٹیمیں موجود ہیں انتظامیہ کے مطابق مزید لاش ملنے کی اطلاع موصول ہوتی ہے تو پھر فوری طور پرریسکیو کیا جائےگا۔ ریسکو آپریشن میں پاک بحریہ کے سی کنگ ہیلی کاپٹر ، اسپیڈ بوٹ سمیت تقریبا سولہ غوطہ خوروں نے حصہ لیا۔کراچی کے ساحل پر جانے پر پاپندی عائد ہے۔تاہم چند مقامات پر پابندی کی خلاف ورزی دیکھی جارہی ہے۔

Comments

- Advertisement -