سانحہ صفورہ: آرمی چیف کراچی پہنچ گئے

راولپنڈی: آرمی چیف جنرل راحیل شریف سانحہ صفورا کےپیشِ نظر کراچی پہنچ چکے ہیں۔

آرمی چیف کے ہمراہ ڈی جی آئی ایس آئی لیفٹینٹ جنرل رضوان اختر بھی موجود ہیں۔

آئی ایس پی آر کی جانب سے جاری کردہ اعلامیے کے مطابق آرمی چیف کراچی میں مقتولین کے اہلِ خانہ سے تعزیت اور زخمیوں کی عیادت کریں گے۔

آج صبح صفورہ چورنگی کے نزدیک اسمعیلی کمیونٹی کی بس پر نامعلوم مسلح افراد نے حملہ کردیا جس کے نتیجے میں 45 افراد جاں بحق جبکہ 13 زخمی ہوئے ہیں۔

ذرائع کا کہنا ہے کہ آرمی چیف شہر میں امن وامان کی صورتحال سے متعلق اہم سیاسی اورانتظامی شخصیات سے ملاقاتیں بھی کریں گے۔

دوسری جانب وزیر اعظم کی زیرِ صدارت ہونے والے آل پارٹیزاجلاس میں فیصلہ کیا گیا ہے کہ اجلاس کے فوراً بعد تمام سیاسی قیادت بھی کراچی جائے گی۔

Comments