تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سانحہ نلتر، ایم آئی17ہیلی کاپٹر کا فلائٹ ڈیٹا ریکارڈ مل گیا

اسلام آباد: سانحہ نلتر کے بدقسمت ایم آئی سیونٹین ہیلی کاپٹر کا فلائٹ ڈیٹا ریکارڈ مل گیا ہے، جس کے بعد تحقیقاتی کمیشن نے بھی کام شروع کر دیا ہے۔

سانحہ نلتر میں تباہ ہونیوالے ہیلی کاپٹر کا فلائٹ ڈیٹا ریکارڈ مل گیا، جس کے بعد آرمی چیف کے حکم پر بننے والے تحقیقاتی کمیشن نے باقاعدہ کام شروع کر دیا ہے۔

ذرائع کے مطابق ہیلی کاپٹر میں مسافر بردار طیاروں کی طرح بلیک باکس کی جگہ فلائٹ ڈیٹاریکارڈ تھا، جس میں پینتیس منٹ سے زائدریکارڈ محفوظ نہیں کیاجاسکتا۔

ایم آئی سیونٹین ہیلی کاپٹر امریکا سمیت ساٹھ سے زائد ممالک میں محفوظ ترین ہونے پراستعمال کیاجاتا ہے۔

دوسری جانب سانحے میں زخمی ہونیوالے انڈونیشیا کے سفیر برہان محمد اپنے وطن روانہ ہوگئے، وفاقی وزیر سرحدی امور عبدالقادر بلوچ نے ایئر پورٹ پر سفیر کو روانہ کیا۔

یاد رہے کہ غیر ملکی سیفروں کو گلگت کی وادی نلتر لے کر جانے والا ایک ایم آئی سترہ ہیلی کاپٹر تکنیکی خرابی کے باعث گر کر تباہ ہو گیا تھا، جس میں ناروے اور فلپائن کے سفیروں، دو پائلٹس ، چیف انجینئر سمیت سات افرادجاں بحق ہوئے تھے

Comments

- Advertisement -