سرحد پارسے چیک پوسٹ پرحملہ، پاکستان کا افغانستان سے احتجاج

اسلام آباد: سرحد پار سے آرمی چیک پوسٹ پر حملے کیخلاف افغان ناظم الامور کو دفتر خارجہ میں طلب کرکے شدید احتجاج کیا گیا۔

گزشتہ رات سرحد پار سے چیک پوسٹ پر حملے کے بعد پاکستان نے افغانستان سے احتجاج ریکارڈ کرایا، دفتر خارجہ کے مطابق سرحد پار سے دہشتگردوں کے حملے پرافغان ناظم الامور کو طلب کرکے احتجاج کیا گیا۔

دفتر خارجہ کا کہنا ہے کہ آپریشن ضرب عضب کے ذریعے پاکستان دہشتگردوں کے خلاف بھرپور اور بلاامتیاز کارروائی کر رہا ہے، افغانستان پر واضح کردیا ہے کہ اس کی سرزمین سرحد پار حملوں میں استعمال نہ ہو ۔

گزشتہ رات سرحد پار سے اسی سے زائد دہشتگرد چیک پوسٹ پر حملہ آور ہوئے، جن میں سے سات جوابی کارروائی میں مارے گئے تھے۔

Comments