کراچی : کراچی کےحلقہ این اے دوسو چھیالیس کے ضمنی انتخاب کے سرکاری نتائج کا اعلان کردیا گیا ہے، ایم کیوایم کے امیدوار کنور نوید پچانوے ہزار چھ سوچوالیس ووٹ لے کر کامیاب قرار پائے۔
متحدہ قومی مومنٹ نے قومی اسمبلی کی نشست این اے دوسوچھیالیس کا دفاع کرنے کی روایت کو برقرار رکھا۔
ایم کیو ایم نے پھر بازی جیت لے لی، سرکاری نتائج کے مطابق ایم کیو ایم کےامیدوار کنور نوید جمیل اپنے حریفوں پر بڑے مارجن سے سبقت لےگئے۔
ایم کیوایم کے نامزد امیدوار کنور نوید جمیل نے ترانوے ہزار ایک سو بائیس ووٹ حاصل کیے، پی ٹی آئی کے عمران اسماعیل سولہ ہزار نو سو بتیس ووٹ لے کر دوسرے اور جماعت اسلامی کے راشد نسیم تیسرے نمبر پر رہے۔
بیلٹ بکس سے برآمد ہونیوالے ووٹوں نے زندہ لاشیں کہے جانے پر اپنی برہمی کا اظہار کرتے ہوئے پی ٹی آئی کے امیدوار عمران اسماعیل کو مسترد کردیا۔
خیبرپختونخوا میں حکمراں پی ٹی آئی اور اس کی حلیف، جماعت اسلامی این اےدوچھیالیس میں ایک دوسرے کے مقابل تھیں لیکن دونوں مل کر بھی اتنےووٹ نہ لے سکیں جتنے ایم کیو ایم کےامیدوار نے حاصل کیے۔
ایم کیو ایم کے کارکن شاید اس بات پر زیادہ خوش ہیں اورجشن منارہے ہیں۔
