سرگودھا: سرگودھا ڈسٹرکٹ اسپتال میں معصوم بچوں کی ہلاکتوں کا سلسلہ جاری ہے۔ گزشتہ رات مزید دو بچے دم توڑ گئےجس کےبعد مرنے والے بچوں کی تعداد اکیس ہوگئی ہے۔
سرگودھا میں اٹھارہ نومبرکی رات سے بچوں کی اموات کا شروع ہونےوالا سلسلہ تاحال جاری ہے۔ گزشتہ رات بھی مزید دو معصوم کلیاں مرجھا گئیں، جس کے بعد مرنے والےشیرخوار بچوں کی تعداد اکیس تک جاپہنچی ہے۔
وزیراعلیٰ کی تحقیقاتی ٹیم نےایم ایس اسپتال سمیع اقبال کو اموات کا ذمہ دار ٹھہراتے ہوئے معطل کردیا ہے اوران کی جگہ ڈائریکٹر ہیلتھ سروسز نجم الحسن کاظمی کو مقررکیا گیا ہے تاہم اسپتال آنےوالوں کا کہناہے کہ ایم ایس کی معطلی کے بجائے اسپتال میں علاج پر توجہ دی جائے تو معصوم بچوں کی ہلاکتیں رک سکتی ہیں۔
Comments
- Advertisement -