اسلام آباد: سری لنکا کے صدر میتھری پالا سری سینا تین روزہ سرکاری دورے پر پاکستان پہنچ گئے۔ وزیراعظم محمد نواز شریف نے ایئر پورٹ پر ان کا استقبال کیا۔
سری لنکن صدرنے وزیراعظم نوازشریف کی خصوصی دعوت پر پاکستان کا دورہ کیا ہے، خصوصی پرواز کے ذریعے اسلام آباد پہنچنے والے سری لنکن صدر اپنے دورے کے دوران صدر ممنون حسین اور وزیراعظم محمد نواز شریف سے بھی ملاقاتیں کریں گے ۔
ملاقاتوں میں علاقائی صورتحال، بین الاقوامی امور اور پاک سری لنکا تجارتی و معاشی تعاون کے فروغ پر تبادلہ خیال کیا جائے گا۔ ۔
میتھری پالا سری کے دورے کے دوران دونوں ممالک مختلف شعبوں میں تعاون کیلئے مفاہمت کی یادداشتوں پر دستخط بھی کریں گے۔
واضح رہے کہ سری لنکن صدر پالاسری سینا کاصدر منتخب ہونے کے بعد یہ پہلا دورہ پاکستان ہے۔
Comments
- Advertisement -
