اسلام آباد: حج کی ادائیگی کے لیے لاکھوں عازمین مکہ مکرمہ میں جمع ہیں، اس سال سعودی عرب کو حج سے ساڑھےآٹھ ارب ڈالر آمدنی متوقع ہے۔
چیمبر آف کامرس کی جانب سے جاری رپورٹ کے مطابق سعودی عرب کو رواں سال اکتوبر میں حج سے آٹھ ارب پچاس کروڑ ڈالر آمدنی متوقع ہے جو کہ سعودی جی ڈی پی کا تین فیصد بنتی ہے، اس مرتبہ تقریبا بیس لاکھ سے زائد مسلمان مکہ آئیں گے، جس کی وجہ سے آمدنی پچھلے سال کی نسبت زیادہ ہوگی۔
چیمبر آف کامرس کی رپورٹ میں کہا گیا کہ ستر فیصد حاجی بیرون ملک سے آئیں گے۔
رپورٹ میں مزید بتایا گیا کہ بیرون ملک سے آنے والا ایک حاجی حج کے پانچ دن میں اوسطاً چار ہزار چھ سو تینتس ڈالر جبکہ مقامی حاجی تین سو انیس ڈالر خرچ کرے گا، ان اخراجات میں خوارک، رہائش، تحائف اور فون بل شامل ہیں۔
سعودی عرب ہر سال عمرہ کرنے والے لاکھوں مسلمانوں کی میزبانی بھی کرتا ہے، حکام کا کہنا ہے کہ اس سال رمضان کے دوران تقریباً ساٹھ لاکھ سے زائد افراد نے عمرہ ادا کیا۔
