سعودی عرب سمیت کئی خلیجی و مشرق وسطیٰ کے ممالک، جاپان، اور جرمنی میں جبکہ امریکہ، کینڈا، برطانیہ کے بیشتر علاقوں میں آج عیدالفطر منائی جائیگی۔
سعودی عرب میں شوال کا چاند نظر آگیا ہے اور آج عید ہوگی، عرب ٹی وی کے مطابق سعودی عدالت عظمیٰ کی اپیل پر رویت ہلال کمیٹیوں کے اجلاس بلائے گئے جنہوں نے ملک کے مختلف حصوں سے موصول ہونے والی متعدد شہادتوں کے بعد شوال کا چاند نظر آنے کی تصدیق کی، سعودی عرب سمیت خلیجی ریاستوں، متحدہ عرب امارات، کویت،عراق، جاپان اور جرمنی میں بھی آج عید منائی جائیگی، نماز عید کا سب سے بڑا اجتماع سعودی عرب کے شہر مکہ میں مسجد الحرام میں منعقد ہوگا جس میں لاکھوں لوگوں شرکت کرینگے۔
اس سے قبل ملائشیا، انڈونیشیا اور سنگاپور کے مفتیان کرام کے اجلاس میں فیصلہ کیا گیا کہ یکم شوال پیر کو ہوگی لہذا مشرقی ایشیا کےممالک آج عید الفطرمنائیں گے۔
