سعودی فرمانروا کیخلاف بات کرنے پرامام کو آٹھ سال قید

ریاض: عرب میڈیا  سے موصول ہونے والی اطلاع کے مطابق سعودی عرب کی مقامی عدالت نے ایک امام مسجد کو مملکت کے فرمانروا کی اطاعت نہ کرنے اور فرقہ واریت کے بیج بونے کے الزام میں 8سال قید اور بعداز 10سال مملکت سے باہر کے سفر پر پابندی کی سزا سنا دی ہے۔

عدالت کا کہنا تھا کہ مذکورہ امام مسجد مملکت کی سا لمیت کو نقصان پہنچانے کے بھی مرتکب ہوئےہیں  اور ان کے خطبات پر بھی تا حیات پابندی عائد کر دی گئی ہے۔

امام اور اٹارنی جنرل نے عدالت کے مذکورہ  فیصلے پر اعتراض کیا ، جس پر انہیں 30دن کے اندر اپیل کرنے کی اجازت دی گئی ہے ۔آٹھ سال قید کا آغاز گرفتاری کے دن سے شمار کیا جائے گا۔

Comments