اسلام آباد : پاکستانی عوام کو موبائل سموں کی بائیومیٹرک تصدیق کرانے کا ایک اور موقع دے دیا گیا،
تفصیلات کے مطابق وزیر داخلہ چوہدری نثار کی زیر صدارت اسلام آباد میں اعلی سطح کا اجلاس ہوا، جس میں سموں کی بائیومیٹرک تصدیق کی مدت میں پندرہ مئی تک توسیع کا فیصلہ کیا گیا۔
وزیر داخلہ کا کہنا تھا کہ پندرہ مئی کے بعد کسی سم کی تصدیق نہیں ہوگی۔ اجلاس میں چئیرمین پی ٹی اے نے بریفنگ دیتے ہوئے کہا کہ اب تک سات کروڑ سے زائد سموں کی تصدیق کی ہوچکی ہے اور غیر تصدیق شدہ دوکروڑ سموں کو بلاک کردیا گیا۔
وزیر داخلہ چوہدری نثار نے کہا کہ دہشت گردی میں استعمال غیر تصدیق شدہ سم پر کمپنی کے خلاف ایف آئی آر کاٹی جائے گی۔ان کا کہنا تھا کہ ملک کی سیکیورٹی پر کوئی سمجھوتہ نہیں کیا جائے گا۔عوام کا تحفظ اولین ترجیح ہے۔
Comments
- Advertisement -
