کراچی: ایم کیوایم کی سندھ حکومت میں شمولیت کے معاملات کو حتمی شکل دینے کیلئے گورنرہاؤس میں پی پی اورمتحدہ کے رہنماؤں کا اجلاس جاری ہے۔
تفصیلات کے مطابق گورنر ہاؤس میں جاری مذاکرات میں گورنرسندھ اوروزیراعلیٰ سندھ بھی شریک ہیں حکومت میں ایم کیوایم کی شراکت سے متعلق امورپر گفتگو جاری ہے۔
پیپلز پارٹی کی جانب سے شرجیل میمن، مرادعلی شاہ اوررحمان ملک بھی اجلاس میں شامل ہیں۔
ایم کیوایم کا وفدخالدمقبول، بابرغوری، رؤف صدیقی اورکنورنوید پرمشتمل ہے۔
اجلاس سے قبل وزیراعلیٰ سندھ نے میڈیا سے گفتگو کرتے ہوئے کہا تھا کہ ایم کیوایم لے لئے مذاکرات کے دروازے ہمیشہ کھلے ہیں اوراگر وہ حکومت میں شمولیت کا فیصلہ کرتے ہیں توانہیں خوش آمدید کہیں گے۔
واضح رہے کہ کارکنان کی ٹارگٹ کلنگ اور پولیس کسٹڈی میں تشدد کے باعث ہلاکت کے بعد متحدہ قومی موومنٹ احتجاجاً سندھ حکومت سے مستعفی ہوگئی تھی۔
