کراچی: سنی اتحاد کونسل اور اے این آئی (انجمن نوجوان اسلام) کے رہنما طارق محبوب رینجرز کی حراست میں دل کا دورہ پڑنے سے انتقال کر گئے۔
زرائع کے مطابق طارق محبوب پر ٹارگٹ کلرز کو سہولیات فراہم کرنے کا الزام تھا، سنی اتحاد کونسل کے ڈپٹی سیکریٹری جنرل طارق محبوب کو 12 اپریل کو 8 دیگر افراد کے ہمراہ ان کی رہائش گاہ ایف بی ایریا سے تحویل میں لیا تھا، اور ان کو نامعلوم مقام پر منتقل کیا گیا تھا جبکہ رینجرز نے تلاشی کے دوران ان کے کمپیوٹرز ، موبائل فونز اور دیگر سامان تحویل میں لیا تھا۔
یاد رہے دو روز قبل انسدادِ دہشت گردی کی عدالت نے سنی اتحاد کونسل کے رہنماء طارق محبوب کو نوے روز کیلئے رینجرز کی تحویل میں دیدیا تھا۔
یاد رہے کہ دو روز قبل 16 اپریل کو طارق محبوب کو انسدادِ دہشت گردی کی عدالت میں پیش کیا گیا، ان پر ٹارگٹ کلرز کی معاونت کرنے کا الزام تھا، جس پر انسداد دہشت گردی کی عدالت نے ان کو تحفظ پاکستان قانون کے تحت 90 روزہ ریمانڈ پر رینجرز کے حوالے کیا تھا۔ خیال رہے کہ طارق محبوب اس سے پہلے مرکزی جمعیت علماء پاکستان (جے یو پی) سے وابستہ تھے
جیل حکام کے مطابق سنی اتحاد کونسل کے رہنما طارق محبوب کی لاش کو جناح اسپتال منتقل کرنے کے انتظامات کئے جارہے ہیں۔
