اسلام آباد: چیف جسٹس ناصر الملک کی سربراہی میں سپریم کورٹ کا فل بینچ اکیسویں ترمیم کے تحت ملک بھر میں فوجی عدالتوں کے قیام کے خلاف آج دس سے زائد درخواستوں کی سماعت کر ے گا۔
سپریم کورٹ بار ایسوسی ایشن، لاہور ہائی کورٹ بار ایسوسی ایشن اور دیگر وکلا تنظیموں نے فوجی عدالتوں کے قیام کے خلاف درخواستیں دی تھیں۔
تاہم عدالت عظمیٰ نے ان تمام درخواستوں کو یکجا کردیا ہے۔
ان درخواستوں میں مؤقف اختیار کیا گیا ہے کہ فوجی عدالتوں کا قیام موجودہ عدالتی نظام پر عدم اعتماد کا اظہار ہے اور یہ عدالتیں بنیادی انسانی حقوق کی خلاف ورزی ہے۔
Comments
- Advertisement -