اسلام آباد: سپریم کورٹ میں اٹھارویں اور اکیسویں آئینی ترامیم کیخلاف دائر درخواستوں کی سماعت آج پھرہوگی جبکہ گزشتہ عام انتخابات میں دھاندلی سے متعلق تحقیقات کے لئے قائم جوڈیشل کمیشن آج پھر دلائل سنے گا۔
سپریم کورٹ نے گزشتہ روز سماعت کے دوران سوالات اٹھائے تھے کہ اٹھارویں ترمیم بنیادی آئینی ڈھانچے اورعدلیہ کی آزادی کو کس طرح متاثرکرتی ہے اور یہ کہ سپریم کورٹ اس کو کس طرح کالعدم قرار دے سکتی ہے۔
اٹھارہویں اور اکیسویں ترامیم عدالتی خودمختاری سے متعلق اور فوجی عدالتوں کےقیام کےخلاف دائر درخواستوں پر سپریم کورٹ میں سماعت ہو رہی ہے۔
دوسری جانب گزشتہ عام انتخابات میں دھاندلی کی تحقیقات کرنے کے لئے قائم جوڈیشل کمیشن نے بھی متعلقہ سیاسی جماعتوں کو جواب داخل کرانے کے لئے دو دن کا وقت دیا ہے جبکہ جوڈیشل کمیشن کی کارروائی آج بھی جاری رہےگی۔
Comments
- Advertisement -
