تازہ ترین

سڈنی: کیفے کا محاصرہ ختم، حملہ آور سمیت 3افراد ہلاک

سڈنی :آسٹریلیا کے شہر سڈنی میں پولیس نے کیفے میں کمانڈو آپریشن کے بعد یرغمالیوں کو رہا کرالیا ہے، آپریشن میں حملہ آور سمیت تین افراد مارے گئے۔

آسٹریلیا کا شہر سڈنی گزشتہ روز ساری دنیا کی توجہ کا مرکز بنا رہا، پیر کی صبح ہارون مونس نامی مسلح شخص نے سڈنی شہر کے مصروف کاروباری علاقے مارٹن پلیس کے لنٹ کیفے میں موجود متعدد افراد کو یرغمال بنا لیا تھا۔

واقعہ کے بعد پولیس نے علاقے کو گھیرے میں رکھا، تاہم وقفے وقفے سے یرغمالی مسلح افراد کے چنگل سے نکلنے میں کامیاب ہوتے رہے، پولیس کے مطابق کیفے پر آپریشن اس وقت شروع کیا گیا، جب حملہ آور نے فائرنگ شروع کی۔

فائرنگ کے تبادلے میں حملہ آور سمیت تین افراد ہلاک ہوئے، حملہ آور آسٹریلیا میں ایک پناہ گزین تھا، جس کیخلاف کئی مقدمات درج تھے، آسٹریلوی وزیرِاعظم ٹونی ایبٹ نے خدشہ ظاہر کیا تھا کہ اس حملے کے سیاسی بھی محرکات ہو سکتے ہیں ۔

Comments

- Advertisement -