سڈنی: دو مسلح ا فراد نے متعدد افراد کو کیفے میں یر غمال بنالیا، ایک مسلح شخص نےکیفے کی کھڑکی پر داعش کا پرچم لہرا دیا، پولیس کی جانب سے یرغمالیوں کی بازیابی کے لئے آپریشن جاری ہے۔
آسٹریلیا کے شہر سڈنی میں واقع کیفے میں دو مسلح افراد نے وہاں موجود متعدد افراد کو یرغمال بنالیا، غیر ملکی میڈیا کے مطابق دو مسلح افراد نے کیفے میں موجود تقریبا بیس افراد کو یرغمال بنالیا ہے، پولیس نے موقع پر پہنچ کر کیفے کی عمارت کو گھیرے میں لے لیا ہے۔
کیفے سے ملحقہ عمارتوں کو خالی کرالیا گیا ہے، کیفے میں موجود مسلح افراد جانب سے کوئی مطالبہ سامنے نہیں آیا ہے۔
آسٹریلوی میڈیا کے مطابق مسلح افراد نےکیفے کی کھڑکی پر داعش کا پرچم لہرا دیا ہے ، یرغمالیوں کی بازیابی کے لئے سڈنی پولیس کا آپریشن جاری ہے۔
Comments
- Advertisement -
