بنوں: پاکستان تحریک انصاف کے سربراہ عمران خان کا کہنا تھا کہ آرمی پبلک اسکول کے بعد 2اے پی سی ہوئیں فیصلہ ہوا تھا کسی مسلح گروپ کو اجازت نہیں دی جائے گی، آپ حکومت میں آجائیں کوئی آپ کو ہاتھ نہیں لگا سکتا، حکومت میں بیٹھےمسلح گروپس کیخلاف پہلے کارروائی کی جائے، انھوں نے سوال کیا کہ کیا ایم کیو ایم قانون سے بالاتر ہے۔
پاکستان تحریک انصاف کے سربراہ عمران خان آئی ڈی پیز کیمپ بکا خیل سمیت پانچ سالوں سے بند گرلز اسکول کا افتتاح کرنے بنوں پہنچے ریڈیو خیبر پختونخواہ پر بنوں سے گرلز اسکول کی بندش کے حوالے سے کال کا نوٹس لیتے ہوئے عمران خان گرلز پرائمری اسکول کا افتتاح کرنے بنوں آئے۔
بنوں میں میڈیا سے بات کرتے ہوئے عمران خان نے کہا کہ جوڈیشل کمیشن کا قیام لاکھوں عوام کے دباؤ کا نتیجہ ہے، جوڈیشل کمیشن کی تشکیل کا فیصلہ پاکستانی عوام کی بہت بڑی کامیابی ہے، عوام کے دباؤ اور دھرنے کی وجہ سے جوڈیشل کمیشن بنانے کا فیصلہ کیا گیا اور ملکی تاریخ میں پہلی بار انتخابات میں دھاندلی کی تحقیقات ہوں گی۔
انہوں نے کہا کہ ہم کمیشن کے سامنے انتخابات میں دھاندلی کے ثبوت لائیں گے جب کہ اس سے ملک میں جمہوریت آگے بڑھے گی۔
بنوں میں لڑکیوں کے اسکول کے دورے کے دوران عمران خان نے کہا کہ وہ تعلیم اور صحت کے میدان میں نیا سسٹم متعارف کرائیں گے۔
پشاور کے شہر بنوں میں لڑکیوں کا اسکول سات سال بعد کھل گیا، عمران خان کو خوش آمدید کہنے کیلئے ننھی طالبات نے بھرپور تیاری کی، عمران خان نے میڈیا سے بات کرتے ہوئے کہا کہ ریڈیو پروگرام میں شکایت موصول ہوئی تھی، خوشی ہے اسکول کھل گیا۔
پی ٹی آئی چیئرمین نے کہا کہ ایک نئی روایت ڈالی ہے، ریڈیو پروگرام کے ذریعے لوگوں کے مسائل سنیں گے۔
انھوں نے اس عہد کا اظہار کیا کہ تعیلم اور صحت کے میدان میں بھی نیا سسٹم متعارف کرائیں گے جو عوام کے مفاد میں ہوگا۔
بنوں کے دورے کے موقع پر عمران خان کے ہمراہ وزیر اعلیٰ پرویز خٹک اور دیگر رہنماء بھی تھے۔
