سیالکوٹ: چارواہ سیکٹر میں بھارتی فوج کی جانب سے بلااشتعال فائرنگ کی گئی، جس کے نتیجے میں پاک فوج کے دو جوان زخمی ہوگئے۔
بھارتی جنگی جنون ایک بار پھر سر اٹھانے لگا، سیالکوٹ کے چارواہ سیکٹر میں بھارتی فوج کی جانب سے رینجرز کی چیک پوسٹ پربلا اشتعال فائرنگ کی گئی، عسکری ذرائع کے مطابق فائرنگ کے نتیجے میں پاک فوج کے دو اہلکار زخمی ہوگئے۔
پاک فوج نے بھارتی فائرنگ کا منہ توڑ جواب دے کر بھارتی بندقوں کو خاموش کرادیا، انڈین فورسز کی جانب سے سیالکوٹ کے چارواہ سیکٹر میں بدھ کی صبح بھی بلااشتعال فائرنگ کی گئی تھی۔
پاکستان اور ہندوستان کے درمیان سن دو ہزار تین میں لائن آف کنٹرول پر سیز فائر کا معاہدہ ہوچکا ہے، معاہدے کے مطابق دونوں ممالک کی افواج لائن آف کنٹرول پر سیزفائر کا احترام کریں گی تاہم معاہدہ تو برقرار ہے لیکن بھارت کی جانب سے اکثر سیز فائر کی خلاف ورزی کی جاتی رہی ہے۔
