تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سیلابی ریلا پنجاب میں تباہی مچانے کے بعد سندھ میں داخل

سندھ :بھارت سے آنے والا سیلابی ریلہ پنجاب میں تباہی مچانے کے بعد سندھ کی سرحد پر پہنچ گیا ہے، جہاں گھوٹکی کےسیکڑوں دیہات کے مکین کشتیوں پر محفوظ مقامات کی جانب جا رہے ہیں۔

سیلاپی ریلے کی سندھ میں آمد کے بعد سے گڈو بیراج پر پانی کی سطح بلند ہو رہی ہے، جہاں پانی کی آمد دو لاکھ ساٹھ ہزار کیوسک ہوچکی ہے جبکہ کشمور سے پانی کا اخراج دو لاکھ اڑتیس ہزار آٹھ سو اسی کیوسک ہے۔

گزشتہ چوبیس گھنٹے کےدوران گڈو میں اکتالیس ہزار جبکہ سکھر کے مقام پر 15ہزار کیوسک اضافہ ہوا ہے، دوسری جانب گھوٹکی کے سیکڑوں دیہات کے مکینوں نے کشتیوں کے ذریعے اپنی مدد آپ کے تحت نقل مکانی شروع کردی ہے۔

دریائے سندھ میں راجن پور کے مقام پر پانچ لاکھ کیوسک کا سیلاب ہے، جس سے درجنوں قریبی بستیاں زیر آب آگئیں ہیں، سیلابی ریلہ راجن پور ضلع کو متاثر کرنے کے بعد صوبہء سندھ میں گڈو بیراج سے سندھ میں داخل ہوجائے گا۔

Comments

- Advertisement -