اسلام آباد: وزارتِ داخلہ نے غیرملکی این جی او ’’ سیو دی چلڈرن‘‘ کی بندش کا باقاعدہ حکم نامہ جاری کردیا۔
تفصیلات کے مطابق این جی او کی بندش کا حکم نامہ 12 جون 2015 کو جاری کیا گیا ہے۔
مراسلے میں تحریر کیا گیا ہے کہ ’’سیو دی چلڈرن‘‘ نامی غیرملکی این جی او کے دفاتراور آپریشنز بحکم وزارتِ داخلہ بند کردئیے گئے ہیں۔
مراسلے میں یہ بھی کہا گیا ہے کہ مذکورہ این جی او کے تمام دفاتر اوران کے پاکستان میں جاری تمام آپریشنز تاحکم ثانی بند رہیں گے۔
واضح رہے کہ وزارت داخلہ نے خفیہ اداروں کی رپورٹس کی بنیاد پر بین الاقوامی این جی او سیو دی چلڈرن کو 11 جون 2015 کو پاکستان میں بلیک لسٹ کرتے ہوئے غیرملکی عملے کو پندرہ دن میں پاکستان چھوڑنےکاحکم دیاگیا تھا۔
چوہدری نثار نے پاکستان مخالف این جی اوز کو وارننگ دے دی
سیود دی چلڈرن کو سن 2012 میں بھی وزارتِ داخلہ کے حکم پر پابندی کا سامنا کرنا پڑا تھا لیکن بعد ازاں امریکہ کی درخواست پر اسے دوبارہ کام کرنے کی اجازت دے دی گئی تھی۔
