جب بھی آپ کسی جگہ نوکری کے لئے اپلائی کرتے ہیں تو آپ کی سی وی آپ کی سفیر بن کر ہیومن ریسورس مینجر کے ہاتھ میں جاتی ہے اور انٹرویو کے لئے آنے والی کال کا سارا دارومدار اس امر پر ہوتا ہے کہ آپ کی سی وی کس قدر مفصل اور دلکش ہے،۔ یاد رکھئے کہ آپ سی وی جانچنے والے شخص کے سامنے نہیں ہوتے اس نے آپ کی شکصیت کا تمام تر تجزیہ آپ کی سی وی سے کرنا ہے لہذا ایک جامع سی وی بنانا انتہائی ضروری ہے جو کہ آپ کی شخصیت کی درست ترجمانی کرسکے۔
ہمیشہ اپنی سی وی اپڈیٹ کیجئے اورجس ادارے میں اپلائی کررہے ہیں اس کے کام کی نوعیت اور ضروریات کے حساب سے سی وی میں بنیادی تبدیلیاں کیجئے۔
اپنی سی وی میں آسان اور چنیدہ الفاظ کا استعمال کیجئے اوراگرآپ نے کوئی مشکل لفظ یا اصطلاح استعمال کی ہے تو اس کی تشریح کرنا نہ بھولئے۔
سی وی کو بے ربط ہرگز نہ ہونے دیں،آپ کی قابلیت اور آپ کے تجربے میں آپس میں ربط ہونا چاہئے اور ان دونوں کا اس پوزیشن سے بھی ربط ہونا چاہیئے جس کے لئے آپ اپلائی کررہے ہیں۔
یاد رکھئے کہ تمام ادارے متعلقہ افراد کو ہی ترجیح دیتے ہیں لہذا اپنے متعلقہ تجربے کو اوپر لکھئے اور غیر ضروری تجربے کو نیچے لکھئے ، یہی اصول تعلیمی قابلیت لکھتے وقت کام میں لائیں یعنی سب سے اونچی ڈگری کو سب سے اوپر رکھئے۔
اپنی کامیابیوں کا ذکر کریں ، ایوارڈز اور ممبر شپس کا ذکر کرنے کے لئے بلٹس کا استعمال کریں اور ہوسکے تو انہیں دو کالم میں کردیں تا کہ جگہ بھی بچے اور خوبصورتی میں بھی اضافہ ہو۔
کم لکھیں لیکن اتنی خوبصورتی سے لکھئے کہ آ پ کی سی وی پڑھنے والا آپ کو انٹرویو کے لئے بلایا جائے۔
