دبئی: ایسے افراد جو کہ اپنے ممکنہ جیون ساتھی کا انتخاب تو کرچکے ہیں لیکن دل کی بات زبان تک لانے سے ڈرتے ہیں کی معاونت کیلئے دبئی میں ایک ویب سائٹ وجود میں آچکی ہے، پرپوزل بوتیک نامی ویب سائٹ ایسے مردوں کی مدد کررہی ہے، جو صنف مخالف سے شادی کی بات کرنے میں ہچکچاہٹ محسوس کرتے ہیں یا شرماتے ہیں۔
تاہم بری خبر یہ ہے کہ اس سلسلے میں مشورے حاصل کرنے کیلئے آپ کو بھاری معاوضہ ادا کرنا پڑسکتا ہے۔ اس کے پیکجز کم از کم 250 ڈالر سے لے کر 12 ہزار ڈالر سے زائد تک ہیں۔ بنیادی پیکج کے تحت آپ کو اپنی زندگی کا اہم ترین سوال پوچھنے کیلئے صرف 2 آئیڈیاز مہیا کئے جاتے ہیں تاہم اگر آپ زیادہ پیسے خرچ کرنے پر تیار ہوں تو آپ کا باقاعدہ انٹرویو لیا جاتا ہے تاکہ آپ کے ساتھی کی شخصیت کے مطابق تیاری کی جاسکے۔
یہ ویب سائٹ آپ کے لئے دیگر ضروری انتظامات بھی کرتی ہے، جیسے کہ جگہ کا انتخاب کرنا وغیرہ، مغرب میں اس طرح کی کئی ویب سائٹس موجود ہیں لیکن عرب دنیا میں یہ پہلا تجربہ ہے۔ کئی صارفین کا کہنا ہے کہ یہ پیسے بٹورے کا نیا انداز ہے۔
دوسری جانب ویب سائٹ کا کہنا ہے کہ وہ کامیابی کے امکانات بڑھاتی ہے، نہ کی صورت میں آپ کو رقم واپس نہیں ملے گی۔
