دتہ خیل: قبائلی علاقے شمالی وزیرستان میں پاک فضائیہ کی جانب سے کی گئی کاروائی کے دوران شدت پسندوں کے 5 ٹھکانے تباہ جبکہ 13 دہشت گرد ہلاک ہوگئے۔
آئی ایس پی آرکی جانب سےموصول ہونے والے اطلاعات کے مطابق پاک فوج نے آج صبح شمالی وزیرستان کے علاقے دتہ خیل میں مصدقہ اطلاع پرشدت پسندوں کے پانچ ٹھکانوں اوران سے ملحقہ علاقوں میں فضائی کاروائی کی۔
دہش گردوں کے ٹھکانوں پرکی جانے والی کاروائی کے نتیجے میں 13 دہشت گرد ہلاک ہوئے۔
پاک فوج نے گذشتہ سال 15 جون میں مزہبی دہشت گردوں کے خلاف شمالی وزیرستان کے علاقے میں آپریشن ضربِ عضب شروع کیا تھا جس کے نتیجے میں 90 فیصد سے زائد علاقہ دہشت گردوں کے تسلط سے واگزار کرایا گیا۔
اس آپریشن کے نتیجے میں اب تک ساڑھے تین ہزار کے لگ بھگ دہشت گرد مارے جاچکے ہیں جبکہ دھائی سو کے لگ بھگ گرفتار کئے گئے ہیں۔
ضربِ عضب میں پاک فوج کے تین سو کے لگ بھگ جوانوں نے جامِ شہادت نوش کیا۔
