کراچی: سندھ ہائی کورٹ نےتوہین عدالت اورصحافیوں پرتشدد سے متعلق تحریری فیصلہ جاری کردیا، توہینِ عدالت اورصحافیوں پرتشدد کیس میں آئی جی سندھ غلام حیدر جمالی اوردیگر پولیس افسران پرکل فردجرم عائد کی جائےگی۔
تفصیلات کے مطابق فیصلے میں تحریرکیاگیا ہے کہ آئی جی سندھ نے عدالت کو سچ نہیں بتایا اورحقائق چھپائے ہیں جس کی وجہ سے آئی جی کی معافی قبول نہیں کی جاسکتی۔
عدالت کا کہنا تھا کہ موقع پر ڈی آئی جی لاجسٹک آئی جی سندھ کو لمحہ لمحہ کی خبردے رہے تھے۔
عدالت نےکہاکہ آئی جی سندھ جب تک قانون کی بالا دستی تسلیم نہیں کریں گےان کی معافی تسلیم نہیں کی جائےگی، عدالت نے غلام حیدرجمالی سمیت کیس میں ملوث دیگرافسران کو بھی حلف نامہ جمع کرانےکاحکم دیا۔
اگلی سماعت پرآئی جی سندھ اوردیگر پولیس افسران پرفردجرم عائدکی جائےگی۔
Comments
- Advertisement -
