اسلام آباد: مچھ جیل میں سزائے موت کے منتظرصولت مرزا کی سزا پر عملدرآمد ایک ماہ کیلئے موخر کردیا گیا،صولت مرزا وعدہ معاف گواہ بھی بن سکتے ہیں۔
کے ای ایس سی کے مینجننگ ڈائرکٹر شاہد حامد سمیت تین افرادکے قتل کے جرم میں سزائے موت کے منتظر صولت مراز کی پھانسی ایک ماہ کیلئے موخر کر دی گئی ۔
صولت مرزا کی جانب سے سرکاری حکام کو معلومات دینےسے متعلق بیان کےبعد حکومت نے صولت مرزا کابیان ریکارڈ کرنے کیلئے کمیٹی تشکیل دے دی ہے ، تحقیقات کمیٹی صولت مرزا کا بیان ریکارڈ کرنے کیلئے آج مچھ پہنچے گی۔
ذرائع کے مطابق کمیٹی میں وفاقی اور صوبائی سطح کے افسران شامل ہیں، گزشتہ شب صولت مرزا نے ایک بیان میں ایم کیوا یم کے قائد الطاف حسین ، گورنر سندھ عشرت العبادخان اور دیگر سینئر رہنمائوں پر سنگین الزامات عائد کئے تھے ۔
Comments
- Advertisement -
