تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عراقی افواج دولتِ اسلامیہ سے تکریت واپس لینے کے لئے سرگرم

بغداد:عراقی سیکیورٹی فورسز اور ملیشیاؤں نے اپنے سب سے بڑے دشمن دولتِ اسلامیہ سے سابق ملٹری حکمران صدام حسسین کا آبائی شہر تکریت واپس لینے کے کے لئے کاروائی شروع کردی ہے جس کے لئے شمال اور جنوب کی جانب سے حملے کئے جارہے ہیں۔

یہ کاروائی دولتِ اسلامیہ کے دہشت گردوں کی جانب سے انبرصوبے مرکزی شہررمادی میں آرمی پر13 خود کش کار بم حملوں کے نتیجے میں کی جارہی ہے۔

صوبے کے گورنر کے مطابق عراقی فوج اوراتحادی جنگجوؤں نے تکریت شہر کے شمالی ضلع قادسیہ پر قبضہ کرلیا ہے جبکہ دریائے دجلہ کے کنارے آباد اس شہر کے جنوبی کنارے سے شہر کے قلب کی جانب بھی ایک خصوصی فورس کے ذریعے دباؤ بڑھادیا ہے۔

ملٹری آپریشن کمانڈ سینٹر کے ترجمان کے مطابق فوجوں نے تکریت کے جنرل اسپتال پر اپنا تسلط قائم کرلیا ہے اور اسپتال کےساتھ واقع صدارتی محلات کے نزدیک گھمسان کی لڑائی جاری ہے۔

دولت اسلامیہ نے گزشتہ سال جون تکریت پرقبضہ کیا تھا اورتب سے وہ صدام کے دور کے قائم کردہ محلات کو انہوں نے اپنا مسقربنارکھا ہے۔

ذرائع کے مطابق 20 ہزار سے زائد فوجی اورایرانی حمایت یافتہ شیعہ مسلم ملیشیا، مقامی سنی قبائل کی مدد سے تکریت واپس لینے کے لئے دریا کے مشرقی کنارے سے حملہ آور ہوئے تھے۔

منگل کو انہوں نےتکریت کی ’العالم‘نامی شما لی پٹی پر قبضہ کرکے تکریت پر حملے کی راہ ہموار کی تھی۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں