اسلام آباد: پاکستان تحریک انصاف نے اسلام آباد میں جاری دھرنا ختم کرنے کا اعلان کردیا ہے۔
تحریکِ انصاف انتخابات 2013 میں ہونے والی دھاندلی کے خلاف شاہراہِ دستور پر 126 دن سے دھرنا دیے بیٹھی تھی۔
آزادی مارچ کے نام سے احتجاجی مارچ 14 اگست 2013 کو لاہور سے شروع ہوا تھا اور مارچ کے شرکاء اسلام آباد پہنچ کردھرنا دے کر بیٹھ گئے تھے۔
تحریکِ انصاف کی جانب سے وزیرِ اعظم کی برطرفی، الیکشن 2013 میں دھاندلی کی تحقیقات، اورآیندہ شفاف الیکشن کاانعقاد یقینی بنانے کے مطالبات کئے گئے تھے۔
31 اگست 2014 کو دھرنے کے شرکاء نے پارلیمنٹ ہاؤس کی جانب مارچ کیا جس کو روکنے کے لئے وفاقی حکومت نے بڑے پیمانے پرشیلنگ کی جس سے متعدد افرادزخمی ہوئے۔
بعد ازاں تحریکِ انصاف وزیرِاعظم کے استعفے کے مطالبے سے پیچھے ہٹ گئی۔
16 دسمبر 2014 کو پشاور میں آرمی پبلک اسکول پر تحریکِ طالبان کے حملے کے بعد قومی قیادت بشمول عمران خان ملک کی سیکیورٹی کی صورتحال پر سرجوڑ کر بیٹھ گئی۔
آج 17 دسمبر 2014 کو تحریکِ انصاف کے سربراہ عمران خان نے اسلام آباد میں ملکی صورتحال کے پیشِ نظر 126 دن سےجاری دھرنا ختم کرنے کا اعلان کردیا۔
اس موقع پران کا کہنا تھا کہ انصاف کے حصول کے لئے جدوجہد جاری رہے گی۔
