تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عمران خان نے پشاور میں ’صحت کا انصاف‘ مہم کا افتتاح کردیا

پشاور: عمران خان نے پشاور میں صحت کا انصاف مہم کا افتتاح کردیا، عمران خان نے کہا کہ مہم پر تنقید سیاسی بنیاد پر کی جارہی ہے، مہم کے تحت ساڑھے تین لاکھ بچوں کو پولیو سے بچاو کے قطرے پلائے جائیں گے ۔

 پشاور میں صحت کا انصاف مہم کا افتتاح تحریک انصاف کے چئیرمین عمران خان نے کیا۔ اس موقع پر میڈیا سے گفتگو میں عمران خان کا کہنا تھا کہ صحت کا انصاف کامیاب پروگرام ہے۔

عمران خان نے بتایا کہ قبائلی علاقوں سے آنیوالے ساڑھے تین لاکھ بچوں کو پولیو سے بچاو کے قطرے پلائے جائیں گے۔

عمران خان نے کہا کہ صحت کا انصاف مہم وفاق کے ساتھ مل کر چلا رہے ہیں اور پاک فوج ٹیموں کو تحفظ دے گی۔

دوسری جانب تحریکِ انصاف کے سربراہ عمران خان ریڈیوکے عالمی دن پر پشاور کے ریڈیواسٹیشن پہنچے اورفون کالزکے ذریعے عوام کے مسائل سُنے۔

عمران خان نےریڈیوپر عوام سے بات چیت میں کہاکہ ملک میں اصل تبدیلی اختیارات کی نچلی سطح تک تقسیم کے ذریعے ہی آئے گی۔

 عمران خان نےاس بات کابھی اعتراف کیا کہ خیبرپختونخوا میں فی الحال متوقع تبدیلی نہیں لائی جاسکی۔

تحریکِ انصاف کے چیئرمین کاکہنا تھاکہ وہ اپنے وزرا کے ہمراہ ہرمہینے عوام کی عدالت میں پیش ہوکراُن کے مسائل سُنیں گے۔

عمران خان نےسانحہ آرمی پبلک اسکول کی تحقیقات سے متعلق لواحقین کومطمئن کرنے کی بھی یقین دہانی کرائی۔

Comments

- Advertisement -