اسلام آباد: تحریکِ انصاف کے سربراہ عمران خان نےجسٹس ریٹائرڈ وجیہہ الدین کے اقدامات کوغیر قانونی قرار دیتے ہوئے پارٹی الیکشن ٹربیونل کی مزید سماعت کرنے سے روک دیا۔
پی ٹی آئی میں سرد جنگ شروع ہوگئی ہے، پارٹی الیکشن پر چیئرمین عمران خان اور جسٹس ریٹائرڈ وجیہہ الدین کے اختلافات کھل کر سامنےآگئے،عمران خان نے جسٹس ریٹائرڈ وجیہہ الدین کو خط لکھا ہے، جس میں پی ٹی آئی الیکشن ٹربیونل کا اجلاس غیرقانونی قرار دے دیا ہے۔
خط میں کپتان نے جسٹس ریٹائرڈ وجیہہ الدین پر الزام لگایا کہ انہوں نے منع کرنے کے باوجود ٹریبونل کا اجلاس بلاکر پارٹی قوانین کی خلاف ورزی کی، جس کی وجہ سے پارٹی کی بدنامی ہوئی۔
کپتان نے خط میں لکھا کہ ریٹائرڈ جسٹس وجیہہ پارٹی رہنماء شفقت محمود کی شکایت سننے کے بجائے بدکردار لوگوں کے بہکاوے میں آرہے ہیں۔
عمران خان نے ٹریبونل اجلاس بلانے پر ناراضی کا اظہار کرتے ہوئے ریٹائرڈ جسٹس وجیہہ الدین پر واضح کیا کہ انکی سفارش پر نیا الیکشن ٹریبونل تشکیل دیا گیا ہ،ے اب تحلیل شدہ ٹربیونل کا اجلاس طلب نہ کریں۔
