اسلام آباد : سینیٹر فیصل جاوید کا کہنا ہے کہ عمران خان 21 اپریل رات 9 بجے مینار پاکستان پر خطاب کریں گے۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ لاہور تیار ہو !مینار پاکستان پر پاکستان بنانے کی قرارداد منظور ہوئی ، اب وہیں پاکستان بچانے کی قرارداد منظور کی جائے گی، پوری قوم کی ایک ہی آواز امپورٹڈ حکومت نامنظور، عمران خان 21 اپریل رات 9 بجے مینار پاکستان پر خطاب کریں گے۔
لاہور تیار ہو !!! مینار پاکستان وہ تاریخی مقام جہاں پاکستان بنانے کی قرارداد منظور ہوئی تھی اور اب پاکستان بچانے کی قرارداد منظور کی جائے گی – پوری قوم کی ایک ہی آواز #امپورٹڈ_حکومت_نامنظور
انشاء اللہ عمران خان 21اپریل رات 9 بجے مینار پاکستان پر خطاب کرینگے— Faisal Javed Khan (@FaisalJavedKhan) April 18, 2022
خیال رہے پاکستان تحریک انصاف کو 21 اپریل کو مینار پاکستان لاہور میں جلسے کی اجازت مل گئی ہے۔
اس سلسلے میں پی ٹی آئی رہنما شفقت محمود کی قیادت میں وفد نے اجازت کیلیے ڈی سی لاہور سے ملاقات کی، جس کے بعد ضلعی انتظامیہ نے انٹیلی جنس بیورو رپورٹ کی روشنی میں جلسے کی اجازت دی۔
واضح رہے کہ پاکستان تحریک انصاف اپنی حکومت کے خاتمے کے بعد پشاور اور کراچی میں بڑے عوامی جلسے کر چکی ہے۔
