اسلام آباد: عمران فاروق قتل کیس کی تفتیش کیلئے برطانوی تحقیقاتی ٹیم پاکستان پہنچ گئی، ٹیم گرفتارملزمان محسن سید اورخالد شمیم سے پوچھ گچھ کرے گی۔
عمران فاروق قتل کیس میں تیزی سے پیشرفت سامنے آرہی ہے،تفتیش کیلئے برطانوی تحقیقاتی ٹیم پاکستان پہنچ گئی ہے،برطانوی ٹیم عمران فاروق قتل کیس میں گرفتارملزمان سے تحقیقات کرے گی، اسکاٹ لینڈ یارڈ کی ٹیم 5ارکان پرمشتمل ہے۔
ذرائع کے مطابق اسکاٹ لینڈیارڈ کی ٹیم کواب تک کی تفتیش سےآگاہ کیاجائے گا،اسکاٹ لینڈ یارڈ کی ٹیم میں مترجم بھی شامل ہے۔
ذرائع نے بتایا ہے کہ ٹیم عمران فاروق قتل کیس میں ملوث ملزمان محسن سید اورخالد شمیم سے تحقیقات کرے گی،برطانوی ٹیم ملزمان کا آڈیواوروڈیوبیان بھی ریکارڈ کرےگی۔
ذرائع کا کہنا ہے کہ اگرملزم محسن نے قتل میں معاونت فراہم کرنے میں معظم صدیقی کانام لیا تواس سے بھی تحقیقات کی جائے گی۔
ذرائع نے بتایا ہے کہ عمران فاروق قتل کیس کے تینوں ملزمان اسلام آباد پہنچا دیئے گئے ہیں۔ اسکاٹ لینڈ یارڈ کی ٹیم تینوں ملزمان سے تحقیقات کرئے گی۔
ذرائع کا کہنا ہے ٹیم وزیرداخلہ اورحساس اداروں کے افسران سے بھی ملاقات کرےگی۔
