لاہور: پاکستان عوامی تحریک نے سانحہ ماڈل ٹاون کے خلاف بدھ کو ہونے والا احتجاج منسوخ کردیا، مرکزی سیکرٹری جنرل خرم نواز گنڈا پور کہتے ہیں کہ ان کی جماعت تین روزہ سوگ منائے گی۔
لاہور میں پریس کانفرنس کرتے ہوئے خرم نواز گنڈا پور کا کہنا تھا کہ بعض حکومتی وزراء کا تحریک انصاف کو ہدف تنقید بنانا قابل مذمت ہے، سکول پر حملہ پاک فوج پر حملہ ہے، سانحہ پشاور کے شہداء کے لواحقین کے غم برابر کے شریک ہیں۔
انہوں نے کہا کہ عوامی تحریک، طالبان کے اس حملے کی پرزور مذمت کرتے ہیں، وزیراعظم کا کے پی کے کا دورہ اسی صورت بامعنی ہوگا کہ اگر اس میں بہتر اقدامات اٹھالئے جائیں، انہوں نے کہا کہ کل عوامی تحریک کے زیر اہتمام دعائیہ تقریب بھی منعقد کی جائے گی۔
Comments
- Advertisement -
