اسلام آباد:حکو مت کو عوام کو ریلیف دینے کا خیا ل آہی گیا، اعلان کیا گیا کہ عید کی تعطیلات میں سی این جی اور بجلی بلا تعطل عوام کو میسر رہے گی گو یا عید کے موقع پر لوڈ شیڈنگ سے عارضی نجات ملے گا ,سوئی سدرن گیس کمپنی اور سوئی نادرن گیس پائپ لائن نےعید کی تعطیلات کے دوراں ملک بھر میں سی این جی اسٹیشن کھولے رکھنے کا فیصلہ کیا ہے ۔
ملک بھر میں پیر کی صبح سے ہفتے کی صبح تک سی این جی سیکٹر کو بلا تعطل گیس کی فراہمی جاری رہے گی ۔ دوسری جانب کے الیکٹرک اور این ٹی ڈی سی نے عیدپر کراچی سیمت ملک بھر میں عید کی تعطیلات میں بجلی کی لوڈشیڈنگ نہ کرنے کا اعلان کیا ہے ۔
کے الیکٹرک ترجمان نے کہا ہے کہ آٹھائیس جولائی سے چار اگست تک ادارے کی جانب سے لوڈشیڈنگ نہیں کی جائے گی، البتہ کسی بھی قسم کی فنی خرابی کی وجہ سے بجلی کی بندش کا سامنا ہوسکتا ہے ۔ تاہم آپریشنل ٹیمیں چوبیس گھنٹے کام کریں گی۔
