غزہ: اسرائیلی بربریت فضائی مرحلے سے زمینی مرحلے میں داخل ہونے کا امکان ہے، اسرائیل نے جنگ بندی کی تمام اپیلوں اور منصوبوں کو مسترد کرتے ہوئےغزہ میں بری فوج بھیجنےکا فیصلہ کرلیا ہے۔
غزہ میں صیہونی بربریت کا خونی کھیل فضائی مرحلے سے زمینی مرحلے میں داخل ہونے کا امکان ہے، امریکی میڈیا کے مطابق حماس کی طرف سے جنگ بندی کے مصری منصوبے کو مسترد کئے جانے کے بعد اسرائیل نے اپنی بری فوج غزہ کی پٹی میں اتارنے کا فیصلہ کرلیا ہے۔
امریکی میڈیا کے مطابق حالیہ لڑائی میں ابتک ایک اسرائیلی ہلاک جبکہ دو سو پچیس سے زائد فلسطینی شہید ہوئے ہیں، امریکی میڈیا کا یہ بھی کہنا ہے کہ حماس نے ابتک غزہ کی جانب سے ایک ہزار سے زائد راکٹ اسرائیل کی طرف داغے تاہم اسرائیلی اینٹی میزائل سسٹم آئرن ٹومب کی وجہ سے یہ راکٹ اسرائیل پر نہیں گرے اور فضا میں ہی تباہ کردیئے گئے۔
Comments
- Advertisement -
