غزہ: چھبیس روز سے غزہ میں جاری اسرائیلی فوج کی درندگی تھم نہ سکی، خو ن کی پیاسی صیہونی فوج نے سولہ سو سے زائد فلسطینیوں کی جان لے لی۔
ایک بار پھر اسرائیل نے تمام انسانی ، اخلاقی اور قانونی حدود کو پھلانگتے ہوئے تین روزہ جنگ بندی کے کچھ ہی گھنٹوں بعد اسرائیلی فوج نے غزہ میں بمباری سے قیامت برپا کردی، جس کے نتیجے میں سو سے زیادہ فلسطینی شہید ہوگئے، اسرائیلی فوج کی تازہ کاروائیوں میں غزہ کے علاقے رفاح مٰیں یونیورسٹی کو حملے کا نشانہ بنایا گیا، جس میں دو درجن سے زائد زیادہ نہتے فلسطینی شہید ہوگئے۔
چھبیس روز سے جاری اسرائیلی فوج کی وحشیانہ کاروائیوں میں اب تک سولہ سو سے زائد فلسطینی شہید اور نو ہزار زخمی ہیں۔ ہمیشہ کی طرح اسرائیل نے ڈھٹائی کا مظاہرہ کرتے ہوئے جنگ بند کی خلاف ورزی کا سارا ملبہ حماس پر ڈال دیا ۔
اسرائیلی فوج کا کہنا ہے کہ حماس نے ایک اسرائیلی فوجی کو پکڑا، جس کے بعد جنگ بندی ختم کی گئی، غزہ میں اسرائیلی بمباری کے سبب ہر طرف تباہی بربادی اور ویرانی چھائی ہوئی ہے۔