تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

غزہ : زمینی کارروائی میں مزید 20فلسطینی

غزہ: اسرائیلی فوج کا سفاکانہ آپریشن جاری ہے، زمینی کارروائی میں مزید بیس فلسطینی شہید ہوگئے، جس کے بعد گیارہ روز میں شہدا کی تعداد دو سو باون ہوگئی۔

نہتے فلسطینیوں پر فضا سے آگ وخون برسانےکے بعد اب اسرائیل نے بڑے پیمانے پر زمینی کارروائی شروع کردی،  رات بھر اسرائیلی ٹینک بارود اگلتے رہے، آج صبح ایک حملے میں پانچ فلسطینی شہید کردیئے گئے۔

اسرائیلی حکام نے زمینی آپریشن کے دوران اپنےایک فوجی کے مارے جانے کا دعوی کیا ہے، رفاہ میں فالج کے مریضوں کا اسپتال اور پانچ ماہ کی بچی بھی وحشیانہ بمباری سے نہ بچ سکے، اسرائیلی وزیراعظم نتن یاہو نے ایک بار پھر حملے مزید تیز کرنے کی دھمکی دی ہے۔

حماس نے زمینی کارروائی کی مذمت کرتے ہوئے کہا کہ اسرائیل کو جارحیت کی خمیازہ بھگتنا پڑے گا، گیارہ روز میں غزہ پر دو ہزار سے زائد حملے کئے جاچکے جبکہ ہزاروں افراد گھر بار چھوڑ کر امدادی کیمپوں میں منتقل ہونے پر مجبور ہوگئے ہیں۔

گذشتہ روز پانچ گھنٹے کی جنگ بندی کی مہلت ختم  ہونے سے قبل ہی اسرائیل نے حملوں کا سلسلہ دوبارہ شروع کر دیا تھا۔

Comments

- Advertisement -