غزہ : پانچ روزہ جنگ بندی کا اختتام آج ہورہا ہے

غزہ : پانچ روزہ جنگ بندی کااختتام آج ہور ہا ہے،اسرائیلی وزیراعظم نتن یاہو کا کہنا ہے کہ اسرائیلی سلامتی کے بغیرامن کی ضمانت ممکن نہیں ہے.

غزہ میں جنگ بندی معاہدے کے اختتام سے قبل ہی اسرائیلی وزیراعظم نے خطرے کی گھنٹی بجا دی، بن یا مین نتن یاھو نے دھمکی دی ہے کہ اسرائیلی سلامتی کی ضمانت ملنے تک غزہ کی پٹی میں مزاحمت کاروں سے جنگ بندی کے لیے قاہرہ مذاکرات میں کوئی پیش رفت نہیں ہو سکتی۔

اسرائیل نے جنگ بندی کے خاتمے سے قبل ہی غزہ کی سرحد پر فوجی اور ٹینک تعینات کردیئے ہیں، فریقین جنگ بندی کو مستقل شکل دینے کے لئے قاہرہ میں بالواسطہ مذاکرات کر رہے ہیں تاہم ابھی تک کوئی پیش رفت نہیں ہوسکی ہے۔

آٹھ جولائی سے جاری جارحیت کے دوران شہداء کی تعداد دو ہزار سے تجاوز کرگئی ہے، ان میں پانچ سو اکتالیس بچے، دو سو پچاس خواتین اور پچانوے بزرگ شامل ہیں۔

Comments